Apirilaren 17tik 24ra, Koopera kooperatiben elkartearekin elkarlanean ari gara, amankomunazgoak martxan jarri duen “txoririk gabeko kaiola” ekimenean. Elkartetik ekarri diguten “kaiolak” kalean aurki daitezkeen edukiontzi zurien funtzio berbera izango dute, hau da, bertara arropa, zapatak, liburuak, jostailuak…. botatzeko aukera izango dugu.
Garrantzitsua da jakitea edukiontzi honetara sartzen diren arropak berrerabili edo birziklatu egin daitezkeela, beraz, bertara botatakoa sailkatu ostean,elkarteak Koopera Store deituriko dendetan saldu, beste herrialde batzuetara eraman edo txikitu eta gauza berriak egiten ditu.
Berrerabiliz hondakinak murrizten ditugu eta ekonomia zirkularra bultzatzen dugu.
