Zorionak Txintxirri!
Eskola Agenda 21 programa era bikainean garatzeagatik ‘Eskola Jasangarria’ ziurtagiria jaso du ikastolak. Ikastolaren iraunkortasunerako eta kalitaterako ingurumen-hezkuntza programa da. Ingurumen egoera eta arazoen konponbidean motibazioa eta konpromisoa garatzen ditu.
Urteak dira Eskola Agenda 21 proiektuan murgildu ginela. Proiektu honetan, ikastolako komunitateko kide garen guztiok parte hartzen dugu, ikasturtero helburuak markatuz eta ekintza desberdinak eginez.
Azken urteotan, birziklapena, kutsadura eta mugikortasuna gaiak landu ditugu, ikasleekin ekintza ezberdinak eginez. Honen guztiaren helburu nagusia mundu jasangarriago baten alde kontzientziatzea eta egunerokotasunean txertatzea da.
Gure lanaren errekonozimendua Eskola Jasangarria ziurtagiriarekin jaso dugu, ziurtagiri honek Eskola Agenda 21 programa era bikain batean garatzen duten ikastolaren lana, prozedurak eta esperientziak saritzen baititu.
