Bazen behin Txintxirri ikastolan gau magiko batez gozatzera etorri zen ikasle talde bat.
Ekainaren 13an gau magiko batez gozatzera etorri zen ikasle talde bat. Liburuen mundu magikoan murgiltzeko asmotan berriz ere. Gau horretan, beste askotan bezala, ipuin batetik bestera saltoka ibili ziren, abenturaz abentura eta solasaldiz solasaldi.
Willy Wonkak bere txokolatezko lantegira sartzeko beharrezkoak ziren osagaiak ondo ezagutzen zituzten eta betiko bezala, martxan jarri zituzten: errespetua, lankidetza, jolas garbia, zoriontasuna, parte hartzea…
Irakurzaletasuna kutsatzeko biderik onena erabiltzea, partekatzea eta disfrutatzea dela argi dugu Txintxirrin. Honetan oinarrituta ikasturtean zehar hainbat ekintza burutu ditugu eta hau guztia borobiltzeko “Gau literarioa” antolatu dugu.
Ikasturtean zehar idazle, ilustratzaile, entzule eta irakurle izan dira gure ikasleak. Ilusioz egindako lana beti da atsegina.
Bidaiatzeko nahikoa da liburu batean murgiltzea. Beraz, nahi duzuen beste urrundu gaitezen udako oporretan eta irailean elkar ikusiko dugu ikastolan. Orduan ere, zer partekatu izango dugu eta!