Hezkidetza

Jendarte ereduak lotura zuzena dauka ikastolan bizi dugun errealitatearekin. Ildo beretik, ikastolaren funtzioa,ikasleak etorkizunean konpetenteak izateko prestatzea da. Horrekin jarraiki, hezkidetzaren erronka nagusia ikasle bakoitza sexu-genero sistematik at, bere banakotasun eta berezitasunaren arabera ulertzea da. Jendarteak binomismoan banatutako genero estereotipoetatik kanpo, bakoitzak bere identitatea eraikitzeko bide anitz eta askotarikoak zilegi eginaz. Aukera guztiak onartu eta identitate zein sexualitate bide ezberdinei bide egitea; pertsona anitzen arteko parekidetasunean eta diskriminazio eza lehenetsita.

Hau da, Txintxirri Ikastolan aukera berdintasunean oinarritutako sozializazio prozesua bermatu nahi dugu identitate propioaren eraikuntzari bidea zabalduz; genero estereotipoekin apurtu eta jokabide sexistak deuseztatzeko. Horretarako, hezkidetzaren lan eremua ikastolaren egituraketatik, ikasleen interakzio eta irakasleen metodologiaz gaindi, hezkuntza komunitate osora zabaltzen da.

Elorrioko Txintxirri Ikastola
Pribatutasunaren laburpena

Norberaren eta hirugarrenen cookie-ak erabiltzen ditugu gure zerbitzuak aztertzeko eta zure lehentasunekin lotutako publizitatea erakusteko, zure nabigazio-habitoetan oinarrituta egindako profil batean oinarrituta (adibidez, bisitatutako panelak). Cookie-ei buruzko informazioa zure nabigatzailean biltegiratzen da, eta funtzio hauek betetzen ditu: gure webgunera itzultzen zarenean zu ezagutzea, edo gure taldeari web guneko zein atal interesgarri eta erabilgarri aurkitzen dituzun ulertzen laguntzea.