Hizkuntza proiektua

Ikastolaren Hizkuntza Proiektuaren helburua euskaran eta euskalduntasunean ardazten den ikasle eleanitza garatzea da. Hartara, Hizkuntza Proiektua ikastolan lantzen diren hizkuntzen ikaskuntza-irakaskuntzari eta erabilerari dagozkien alderdiak biltzen dituen eta haien trataerari koherentzia ematen dion egitasmoa da. Egitasmo integrala da, eta Ikastolaren eremu guztietan — ikaskuntza-irakaskuntzan, eskola-komunitatearen harremanetan, eta Ikastola txertatuta dagoen gizarte hurbilekiko harremanetan– eragiten du.

Bertako hizkuntza propioa (euskara) eta kontaktuko hizkuntzaz gain (gure kasuan, gaztelania), atzerriko hizkuntzan (ingelesa) ere nahikotasun maila lortzea nahi dugu.

Hizkuntza gaitasun hau lortzeko gure ikasleak ikastolan sartzean euskarazko giroan murgilduko dira. 4 urterekin ingelesarekin harremanetan hasiko dira eta Lehen Hezkuntzan berriz, gaztelerazko irakasgaia izango dute. DBH 3-4n, (14-16urte), irakasgai bat ingeles hutsean ikasiko dute.

Elorrioko Txintxirri Ikastolako DBH amaierarako hizkuntzen lorpen-mailak:

Euskara B2

Gaztelania B2

Ingelesa B1

 

Ikastolen-Hizkuntz-Proiektua

Proiektu honen bidez, ikastolok marko orokor bat garatu dugu ikastolako hizkuntza bakoitzaren inguruan sortutako proiektuak uztartzeko, hizkuntzaren irakaskuntzan erabilitako ikuspegi eta metodologia guztiak bateratzeko, hizkuntzaren erabilera instrumentalaren eraginkortasuna curriculum osoan hobetzeko, eta hizkuntzaren irakaskuntzaren eta hizkuntza gutxituaren gizarte-sustapenaren arteko lotura egokiak sortzeko bideak irekitzeko.

 

 

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

Cookien erabilera

Erabilera atseginena izan dezazun, web gune honek cookie-ak erabiltzen ditu. Nabigatzen jarraitzen baduzu, onartzen dituzu cookie hauek eta gure cookien politika. Informazio gehiago jasotzeko esteka sakatu.

ONARTU
Aviso de cookies