Aurten ere, Elorrioko Txintxirri ikastolak Elorrioko Institutuarekin batera udal foroan parte hartu du. Udaleko alkate eta alkate ordearekin bildu (maiatzaren 22an) eta ikasleek, ikastolan ikasturte honetan egin den lana azaldu dute. Aurtengo gaia kontsumoa izan denez, gai honen inguruko ekintzak erakutsi dituzte. Bestalde, udal diagnostikotik ateratako informazioa eta ondorioak ere azaldu ondoren, bi ikastetxeetako ikasleek udalari eskaera batzuk egin dizkiete.
Udalak, iaz hartutako konpromisoak nola bete dituzten azaldu ondoren, aurtengo eskaerak ere kontuan izan eta lantzeko konpromisoa hartu du.
Lan paregabea egin dute ikasleek, zorionak!
