Ostegunean, martxoak 26, Bilboko Juan Crisóstomo de Arriaga Musika Kontserbatorioan, Bizkaia Jasangarriaren aldeko Gazteen I. Foroa egingo zen.
Goizean zehar, Bilbok ingurumen-hezkuntzarekin izan zuen hitzordu garrantzitsua. Juan Crisóstomo de Arriaga Musika Kontserbatorioan, Bizkaia Jasangarriaren Aldeko Gazteen I. Foroa gauzatu zen.
Ekitaldi honetan, Bizkaiko Eskolako Agenda 21 programan parte hartzen duten 236 ikastetxeak ordezkatzen dituzten 34 ikastetxetako ikasle eta irakasleak bildu ziren. Guztira, 115 ikaslek, 46 irakaslek eta udal-teknikariek ingurumen arazoei buruz hausnartzeko eta eztabaidatzeko gunea izan zuten. Ekitaldiaren bigarren atalean, Bizkaiko Foru Aldundiko eta Eusko Jaurlaritzako ordezkariei helarazi zizkieten bertan jasotako ondorioak.
Eskolako Agenda 21 programa honen bitartez, ikasleek eta irakasleek gizarte osoan eragin zuzena daukan zerbaiti buruz hausnartzen dute. Gizartearen sektore guztien arteko elkarlana baliatuta, biztanleen benetako ongizatea lortzeko proposamena da.
Ikastolako ordezkariak bertan izan ziren, ikastolan Agenda 21 taldeak aurrera eraman dituen ekintzen berri ematen eta besteekin batera ingurumenaren inguruko hausnarketa egiten.
Zorionak Agenda 21 taldea!