Artelatz enpresako kideek, Elorrion parte hartzen dugun Agenda 21eko ikastetxeetako ikasleekin tailer bat burutu dute. Hondakinak lantzeko tailerra izan da, eta sortzen dugun hondakin kopuruaz jabetzeaz gain, hondakinak murrizteko moduak azaldu eta aztertu ditugu.
Lanketa honetatik, alkateordeari egin beharreko proposamenak atera ditugu Tailerrean parte hartu ondoren, urtero bezala, Elorrioko udalarekin batera antolatzen den udal foroan parte hartu dugu. Agenda 21eko ordezkariak alkateorde eta udaletxeko teknikariarekin bildu gara iazko konpromisoen betetze maila azaltzeko eta datorren ikasturterako hartzen ditugun konpromisoak adosteko.
Horretaz gain, ikastetxe bakoitzak ikasturtean zehar egin duena azaltzeko aukera izaten du eta gure Ikastolako eko-ordezkariek lan ederra egin dute. Ikasturtean zehar hainbat ekintza burutzen ditugu eta hauek guztiak urtero egiten ditugu, hau da, urtez-urte lantzen ditugu: neguko azoka, bidezko merkataritza, ibaialde, gosari osasuntsuak, agenda 21 eguna, Eroskirekin batera lantzen dugun elikadura tailerra, fruta eguna, liburu ibiltaria, irteerak…
Guztiak ez ditugu banan-banan azaldu, baina urtero egiten dugun aste berezia “Ama Lurraz goza dezagun” azaltzeko aukera izan dugu.
