Probetak, erreakzio kimikoak, hipotesiak, ortuak, mikroskopioak…Maiatzaren 4tik 8ra ikastolan aste berezia ospatu dugu eta ikasleek hainbat eta hainbat ekintza egin dituzte, beti ere, zientzia ardatza izanik.
Metodo zientifikoaren pausuak jarraitu dituzte esperimentuak egiteko eta zientzialariak bezalaxe, behaketaren ondorioz hipotesiak bota dituzte gero zientifikoki ondorioak ateratzeko.
Txikienak ortua egin dute, naturaz gozatuz eta nagusienek, taldeka, zientziaren bitxikeriak ikusi eta ulertzeko parada izan dute. Gora Txintxirriko zientzialariak!