Non gogoa, han zangoa! Hau izan da MariAsun Atxaren leloa ikastolan. Zenbat istorio, zenbat erronka eta zenbat lan ikastolan. Txintxirri jauregiko hormek hitz egingo balute…
Asteartean, Arriolan batu ginen ikasle, irakasle, langile eta zenbait guraso MariAsuneri ondo merezitako agurra egiteko. Jubilatzeko garaia heldu zaio eta jaitxo bat egin zion ikastolak.
Agurra, bertsoak eta Izarren hautsa, abestia izan ziren protagonista. Eta nahiz eta antzokian ez egon, pertsona askok ikastolaren alde egindako lana eskertu nahi izan diote eta guzti horiekin bideo hunkigarria egin dugu. Zenbat sorpresa!
Ekitaldia aprobetxatu nahi izan zuen ikastolak, jubilatu berri den Blankiri ere ikastolan egindako lana eskertzeko, bera ere Txintxirriren historiaren parte garrantzitsua baita.
IZAN ZINETELAKO GARA ETA GARELAKO IZANGO DIRA. Biba zuek!
