Kolore guztiak batzen ditu moreak

2016/03/11

 

Gorria, laranja, horia, berdea, urdina… guztiak batzen ditu moreak; moreak  parez pare jarrarazten baikaitu; garen bezala, parean.

Gorria zein laranja, zein horia, berdea… zer aldatzen da ba? guzti-guztiak maiteak dira  geure artean. Izan gaitezen koloreetakoak, bai!, zergatik ez? moreaz ari garenean anitzak izateko eskubideaz ari gara; sentitu, pentsatu eta ekiteko askatasunaz; eta hartutako kolorea hartuta ere, gure artean maitea izango zarela diogu; guztiak maite ditugulako. Horregatik, hartzen dugu oinarri morea; moreari buruz gabiltzanean, errespetuaz ari baikara, begiruneaz, eskubideez, elkarbizitzaz; feminismoaren moretasunak jartzen baititu boterearen balantzak orekan.

Aska dezagun emakumearen bidea, izan gaitezen nahi dugun eratakoak, guztiok kolore ezberdinetakoak izanik ere, guztiok beharrezkoak baikara!

HEMEN GUZTIOK DAUKAGU LEKUA; ERAMAN DEZAGUN DENON ARTEAN LEKUKOA!