Azaroaren 22an, 25ean eta 26an ikastolak ekitaldi desberdinak antolatu ditu gure ikastola barrutik ezagutu ditzazuen.
Azaroaren 22an, konpetentzietan oinarritutako hezkuntza proiektua, EKI, ezagutzeko aukera duzue. Gelan sartu eta irakasleak eta ikasleak lana nola egiten duten gelan bertan ikus dezakezue.
Egun berdinean, arratsaldean, XXI. mendeko erronka baten inguruko hitzaldia izango dugu:“Ikasle digitaletik hiritar digitalera”. Ikastolen Elkarteko Josune Gereka, konpetentzia digitalean aditua, erronkaren nondik norakoak eta proiektuaren helburuak azalduko dizkigu. Solasaldi interesgarria benetan!
Azaroaren 25ean eta 26an, bisita gidatuak izango dira. Ikastolako zirrikitu guztiak ikusteko aukera izango duzue eta Bioeraikinaren eta Pedagogia Aktiboaren azalpenak emango dira.
Animatu zaitezte eta etorri!
