Korrika, Euskal Herri osoan zehar egiten den euskararen aldeko ekimen erraldoia ostiralean Elorrion izan zen. Hori dela eta, goizean Korrika txikia ospatu genuen Elorrion ikastetxe guztietako ume zein irakasleok. Egun zoragarriarekin tipi-tapa tipi-tapa abiatu ginen plazara!
Iluntzean, Korrika20 heldu zen eta 2138.kilometroa egiteko ikasle eta guraso ugari izan ziren bertan. Ah zelako momentu hunkigarria!
Igandean amaituko da Korrika 20.ekitaldia, Iruñean, eta aurrekoetan bezala, ikastola guztion kilometroa ere bertan egingo du EHIk. Lekukoa Gazteluaren Bira kaleko 11. zenbakiaren parean (Trafiko zuzendaritzaren eraikina dago bertan) hartuko da, 12:22 inguruan. Kontseiluari pasako dio lekukoa ikastolen Elkarteak. Hark, berriz, AEKri, azkeneko kilometroa egin dezan. Momentu horretansekretupean gordetzen den mezua irakurriko da.
