Ikastolaren 50. urteurrenerako egin ditugun kamiseta eta sudaderak oso politak dira eta, politak izateaz gainera, garbi jokatzen dute ingurunearekin eta langileekin.
Jantziok egiten dituzten lantegietan ez dago umerik lanean eta bertako langileen eta sindikatuen eskubideak errespetatzen dira. Lan-ordutegiak eta bestelako baldintzak zaindu egiten dira eta soldata duinak ordaintzen zaizkie langileei, sexu, ideologia edo bestelako arrazoiengatik inor baztertu edo gutxietsi barik.
Gainera, erabilitako kotoia landaketa ekologikokoa da, ongarri , pestizida edo bestelako gai kimikorik erabili gabe. Beste jantzi batzuetan, berriz, birziklatutako kotoia ere erabiltzen da, guztia ingurunearenganako errespetuz.
Lantegietan ere, koloreztatze, mozte, jozte eta banaketa prozesuetan, inguruneari ahalik eta eraginik txikiena sortzeko ereduak jarraitzen dira.
Elorrioko Txintxirri Ikastolan arduratsu erosten dugu, garbi jokatzen dugu.
Jarri harremanetan ikastolarekin zurea eskuratzeko!