Xe: Hizki birek osatzen dute 2023ko Ibilaldiaren leloa: x eta e: xe. Hizki xehe bi. Hizki jolasti bi.
Ondarroako Zubi Zahar ikastolak antolatuko du 2023ko ibilaldia, ondarrutarrek esaten duten bezalaxe ibilaldixe. “Xe” esanez hitz egiteko modu bat ezezik herri bat ere irudikatu nahi dute. Euskara berea duen herri bat. Ibili dabilen hizkuntza bat. Bizia. Goroldiorik gabeko harria bezalaxe. Beraien herria, herrixe, horrelakoxea delako: bixixe. Alaixe. Argixe. Iraixe. Bertakoon jolasteko gogoa, euskaraz bizitzeko gogoa, kutsakorra izan dadila Ibilaldira doazenentzat.
Oraingoan, gurean izan dira materiala saltzen. Gogoratu, online denda ere martxan dagoela. Eman diezaiegun aupada ederra!
Gora ibilaldixe!
