Aste Santuko oporrak amaitu dira ikastolarako eta gaur, berriz ere, ateak zabaldu eta ikasturte honen azken txanpari ekingo dio. Egun hauetan HHko 1. ziklokoak egongo dira eta apirilaren 28tik aurrera berriz ere beste guztiak bueltatuko dira. Beraz, oraindik oporretan dauden guztiok aprobetxatu eta lanera bueltatu zaretenei…animo!
Oporretan, nahiz eta ikaslerik egon ez, guraso talde bat auzolanean ibili da. Erakinak behar dituen hainbat hobekuntza egiten eta datorren ikasturterako egokitzapenak aurreratzen jo ta ke ibili dira. Lan bikaina benetan! Eskerrik asko!
