Maiatzaren 19an Lekeition ospatutako Ibilaldian datorren urterako lekukoa hartu zuen Txintxirri Elorrioko Ikastolak.
2020ko Ibilaldia martxan dago, bai!
Eider Barrena Salgado Lehendakariak eta David Cobos Sarraoa zuzendariak, Ibilaldiko hasierako ekitaldian datorren ikasturteko Ibilaldia antolatzeko agindua jaso zuten. Ibilaldietako ikurra grabatuta daukan egurrezko lekukoa hartu zuten ikastolako ordezkariek, Azkue Ikastolako ordezkarien eta Ibilaldia Elkarteko presidentearen eskutik.
Ekitaldian adierazitako moduan, “erronka handia da Ibilaldia antolatzea eta lan handia eskatzen du. Gurean, baina, ikastola txikia izanik, hamaika erronkari aurre egiten ohituta gaude eta oraingoan ere gogoz eta pozik ekingo diogu Ibilaldia prestatzeko lanari, irribarre bat ahoan eta, betiko moduan, guztion artean auzolanean”
Ondo etorri 2020ko Ibilaldia!